يعيش الحب شي عادي يموت الحب وش يعني
مدام قلوبنا ماتـت مشاعرهـا و هـي حيـه
احسب الحب لاجيته علـى كيفـه يطاوعنـي
مغفل من يعيـش بهالزمـان احـلام ورديـه
من اول ما عرفتك تعطي احساسك و تمنعنـي
و اقول تمووون يانبع الحلا و الحـب حنيـه
كثر ما كنت تكذب في كلامـك كنـت تقنعنـي
دليل اني علـى كثـر الجفـا سلمتـك ايديـه
عشاني قلت لك ما بدخل بهـا الجـو طلعنـي
تروح و تاخذ الدنيا معـاك و تقطـع الجيـه
مع اني قلت اذا ما طاعك الوقت الردي طعني
و اذا ما جيتني كلـك تعـال شويـه شويـه
لك الله يوم اجي مشتاق لك و الشوق يدفعنـي
كانـي رايـح للمـوت بيدينـي و رجلـيـه
و اعرف ان مر في بالـك تولعنـي تولعنـي
مدامه شي فـي بالـك تجيبـه ميـه بالميـه
وصلت لمرحله حتي الشعور العذب يخدعنـي
و احس اني على النيه و انا فعلاً على النيـه
بكمل لـك كلامـي بـس تكفـى لا تقاطعنـي
بقاء جمر الكـلام و دمعـة بالعيـن مخفيـه
امانه قبل اروح و ينتهي كـل شـي طالعنـي
عشان تعرف وش معني العطاء قبل الأنانيـه
ابرحل و الطريق اللي يـودي مـا يرجعنـي
يبي يغنيني الله عن هـوى حبـك و طاريـه
خذ الباب بطريقك و العـذر ماعـاد ينفعنـي
تـرا ماعـاد لـك قيمـه ولا للحـب اهميـه
و مثل ما تسمع لعبد الكريـم ابيـك تسمعـن
[وداعيه ياآخر ليله تجمعنا وداااااااعيـه.....]
الثلاثاء أكتوبر 21, 2008 5:05 pm
