اهلا وسهلا بكل اللي حابين يكونون طباخات
اولا هي مو تفنن في الطبخ ولا حرفنه وابتكارات لا هي طريقه تسهلك تسوين اصناف من الاكل وباسرع وقت**
طبعا اختي هي اللي قالتلي على الطريقهبعد ما اشتكيتلها كيف يمديني اسوي اكثر من طبخه في وقت واحد
قالتلي هذا يستي قومي اول شي جهزي كميه كبيره من الاشياء الاساسيه في الطبخ زي المرقه وهي دايما تدخل في اكثر الطبخات مثل الرز والمكرونه والايدامات
خذي اول شي البصل والطماطم وقطعيهم بعدين خذي اللحم وقطعيه مكعبات اذا تبغينها بالحم او تحبينها بالدجاج حطي دجاج طيب بعدين قومي خذي البصل وحمرريه واضيفي له اللحم وقلبيه زين بعدين حطي البهار اللي تحبين ومتعوده تستخدمينه اخر شي اضيفي الطماطم وملحيه واتركيه شوي حطي كميه من الماء واتركيه يطبخ انا افضل قدر الضغط لاني احب السرعه في الطبخ
لحد الان ما جينا كيف نكون سريعين في الطبخ
شوفي الحين انتي قمتي سويتي المرق اتركيه لين يبرد زيييييييييييييييييييين وصفيه بالصفايه بعدين جيبي اكياس نايلون وعبيها من المرق بحدود كل طبخه انتي تحتاجينها وقفليها وحطيها بلفريزر طبعا انتي بتسوين كميه كبيره معاها قطع لحم وكل شي
هذا كله عشان تكونين سريعه في الطبخ لما احد يقلك وين الغدا بسرعه تجرين وتحطين واحد من الاكياس اللي انتي مسويتها مسبقا تحطين فيها رز او مكرونه او على خضار ونص ساعه يكون الاكل جاهز
وكمان ممكن تسوين البصل والطماطم بكميه كبيره وتجمدينها اذا عندك اي طبخه تحتاج بصل وطماطم وما فيكي تقطعين كل يوم سويلك اكياس بلفريزر والله مريحه جدا وبتحبين الطبخ
انا ما كنت احب اسوي اي شي معقد لما سويت هذي الطريقه بديت اسوي وصفات من الكتب واتابع الطباخين والاحظ انهم دايما يقولون اضيفي كميه من المرق للوصفه وانا اتكاسل ما فيني اسوي اكثر من قدر على النار يدوب طبخه وحده
وكمان ممكن تسوين كميه من العجين وتتركينها لين تخمر وحطيها كمان بالفريزر وسير بس طلعيهم واتركيهم لين تلين رشي عليهم شوي دقيق وكملي اللي ودك تسوينه فيها يا بيتزا ولا فطاير والا اي معجنات تبغين تضيفينها مع السفره وشوفي عائلتك كيف بيستغربون
ويقولولك مو دوبك كنتي جالسه على التلفزيزن ولا كنتي على النت وكيف مداكي هههه
وكلوا بلعافيه
اتبعوا هذي الطريقه وبتحبوني
الإثنين نوفمبر 03, 2008 6:36 pm
