ليش الدمع ياقلبي .... ترى دمعك علي غالي
أنا مالي بهالدنيا سواك احد يواسيني
دخيلك حتى لوصاحت جروحك ترفق بحالي
أخاف صياحها يحي جروح ميته فيني
صعيبه والله هالدنيا على مثلك وامثالي
صغار عالحزن لكن أبت تستوعب سنيني
سقتني المر في عمر شرب به غيري الحالي
وكل ماصحت يادنيا ذبحني المر .... تسقيني
وحيده عشت انادي الفرح لجروحي ولا جالي
رحلت بكل صوب ومالقيت إللي يداويني
وتراها ماغدت تفرق معي لوطال ترحالي
أنا اصلا سكنت الجرح وضاعت به عناويني
عشقت الحزن مو برضاي ....عيا الوقت يصفالي
ويوم انه رجف دمعي ذبحته في وسط عيني
لك الله وش يفيد الدمع ولو هو سيل متوالي
دخيلك تمسح دموعك ...ترى هالدمع يشقيني
مصير جروحنا تذبل قصر هالعمر او طالي
و إذا جرحك أبى يبرى بضمده بشرايني
منقوووول لعيوووونكم انشالله تعجبكم تقبلو تحياتي اختكم ملاااك
الإثنين نوفمبر 03, 2008 6:54 pm
